Rhaglen yr Arolwg Hyfforddiant Amddiffyn (AHA)

Yn 2001, cyhoeddodd y Weinyddiaeth Amddiffyn adroddiad dan y teitl 'Modernising Defence Training'. Tynnodd yr adroddiad sylw at y canlynol:

• yr angen i integreiddio Hyfforddiant Amddiffyn yn well;
  
  
• yr angen i reoli hyfforddiant ar draws y lluoedd Amddiffyn er mwyn hwyluso symud tuag at weithio ar y cyd;
  
  
• yr angen am fuddsoddi ac am resymoli’r ystâd hyfforddi er mwyn sicrhau bod ein cyfleusterau’n cael eu defnyddio’n effeithlon a’u bod yn addas i bwrpas.

Mae’r argymhellion hyn wrth graidd Rhaglen Resymoli’r Arolwg Hyfforddiant Amddiffyn - sef prosiect Partneriaeth Gyhoeddus-Breifat sy’n ceisio trawsnewid ein dull o ddarparu 3 math o hyfforddiant arbenigol yn y dyfodol. Dan gontract o’r fath, bydd darpar Bartner yn gyfrifol am ddylunio a darparu’r rhan fwyaf o’r hyfforddiant ond bydd y Weinyddiaeth, trwy uwch swyddogion milwrol, yn parhau i reoli a bod yn gyfrifol yn y pen draw am effeithiolrwydd yr hyfforddiant hwn. Cedwir y presenoldeb milwrol cadarn hwn er mwyn darparu hyfforddiant mewn sgiliau gan sicrhau bod myfyrwyr yn cael y profiad gweithredol a bod yr ysbryd milwrol yn ddiogel.