|
|
|
|
|
|
|
|||||||||
| Hafan Metrix | Am y Rhaglen AHA | Am Metrix | Metrix Training | Adeiladu'r CTA | Cymru | Metrix yn y Cyfryngau | Cysylltu | |
Metrix TrainingRhyngddynt, mae’r tri choleg a geir ym Mhecyn AHA 1, sef DCEME, DCCIS a DCAE, sydd â’u pencadlysoedd yn HMS SULTAN, RAF Cosford a Gwersyll Blandford, yn darparu mil o gyrsiau gwahanol bob blwyddyn. Maent yn amrywio o gyrsiau arbenigol Cymal 3 sy’n para am ddiwrnod i ychydig wythnosau, i gyrsiau egwyddorion Cymal 2 a all bara am dros 18 mis. Mae rhai eisoes yn defnyddio cyfarpar milwrol uwch, efelychyddion ac e-ddysgu. Mae’r rhan fwyaf, fodd bynnag, yn defnyddio dysgu traddodiadol mewn ystafelloedd dosbarth lle mae’r hyfforddwr yn sefyll o flaen y dosbarth. Un peth sy’;n gyffredin ym mhob achos yw eu bod yn creu rhai o’r personél milwrol gorau yn y byd. Rhaid i’r ffaith hon fod ym mlaen meddwl timau dylunio Metrix wrth iddynt ddatblygu cyrsiau i’r dyfodol. Mae ‘ail-lunio’ cyrsiau’n rhan hanfodol o raglen Metrix i drawsffurfio hyfforddiant. Mae ail-lunio cyrsiau’n caniatáu inni gyflwyno cymysgedd llawer cyfoethocach o dechnegau dysgu modern, gan gynnwys efelychiadau, e-ddysgu rhyngweithiol a chydweithio ar y we yn ogystal â hyfforddiant ymarferol dan arweiniad hyfforddwyr. Bydd trawsffurfio hyfforddiant mewn amddiffyn gan Metrix yn dod â manteision i rai sydd dan hyfforddiant, i hyfforddwyr, i golegau ac i unedau milwrol yn y rheng flaen. Dyma’r heriau a geir ym Mhecyn AHA 1, sef un o’r rhaglenni trawsnewid hyfforddiant mwyaf yn y byd. |
   |
Pecyn AHA 1 – Egwyddor Newydd mewn Hyfforddiant Y cyd-destunMae gan y tri Gwasanaeth gyrsiau sy’n gorgyffwrdd yn y tri llif sy’n rhan o Becyn AHA 1: PA (Peirianneg Awyrennol), PE (Peirianneg Electromecanyddol), a SCG (Systemau Cyfathrebu a Gwybodaeth). Yng nghyd-destun y llifoedd hyn rhai i bawb gyrraedd gwaelodlin cymhwysedd sylfaenol, ni waeth am y llwybr, a dyna arwyddocâd yr Ysgol Egwyddorion Rheoli Peirianneg (ERhP) newydd. “Yr egwyddor yw ysgrifennu unwaith a defnyddio drosodd a thro,” yn ôl Richard Weeks, y prif Beiriannydd gyda Thîm Hyfforddi Metrix. “Mae rhai syniadau sylfaenol mewn peirianneg yn berthnasol i bawb, beth bynnag fo’r fasnach neu’r Gwasanaeth. Mae’r egwyddorion hyn yr un peth boed mewn awyrendy neu beiriandy. Mae iechyd a diogelwch, egwyddorion rheoli, TG; mae mathemateg yn enghraifft dda - nid yw sylfeini peirianneg yn newid ond gall y defnydd a wneir ohonynt amrywio’n fawr. Byddwn yn ymestyn y syniad o greu sylfaen gadarn o wybodaeth a sgiliau perthnasol ar draws pob Gwasanaeth a Masnach.”... Mwy… Rhan o’r nod i Metrix yw moderneiddio dulliau hyfforddi pobl, er budd i hyfforddwyr a hyfforddeion. Mae’r Ysgol Egwyddorion newydd yn llwyfan perffaith i ddatblygu technegau newydd. “Byddwn yn defnyddio cyfuniad o ddysgu a fydd o gymorth i wahanol ddulliau dysgu,” medd Richard. “Bydd yr Ysgol newydd yn cymhwyso’r meddwl gorau at y broblem hon, gan adnabod anghenion cyffredin o ran hyfforddiant a chreu pobl ifanc gwbl gadarn ar gyfer y cyrsiau arbenigol”. Er mai partneriaeth rhwng sifiliaid a’r gwasanaethau milwrol yw’r CTA, bydd yr Ysgol newydd dan reolaeth sifiliaid. Fodd bynnag, bydd y modiwlau newydd yn rhan o gyrsiau sy’n eiddo i’r llifoedd sydd eisoes yn bod. Y syniad yw cefnogi ac ailstrwythuro’r sylfaen sgiliau fel y mae, ac nid ei newid. “Mae’n bwysig nodi y bydd ein gallu i ddysgu’r union sgiliau angenrheidiol i’r swydd yn cadw’r ffocws ar gyflawni. Byddant yn dod yn fwy defnyddiol, hyderus a gwydn, a’r gobaith yw y byddant yn dychwelyd er mwyn ehangu eu dysgu”.
|
 |
|||||
  |
|||||
 |
 |
 |
 |
 |
 |
| © 2009 | |||||